இன்றுவரை புலம்பெயர் தமிழர்களை பற்றி கேவலமாகவும், இளக்காரமாகவும் பல நகைச்சுவைகளை சொல்லிவரும் நம்மவர்களுக்கு இது சமர்ப்பணம். நான் அவுஸ்திரேலிய வந்து அதிகமாக சென்ற இடம் அநேகமாக இந்துக் கல்லூரியின் பழைய மாணவர் சங்க நிகழ்வுகளுக்குதான். ஒரு காரணம் எனக்கும் வேறு பொழுதுபோக்கு இல்லை ரெண்டாவது இலங்கையில் நம் பழைய மாணவர் சங்கம் இளையவர்களை எந்தளவுக்கு அணைத்துக்கொண்டது என்பதில் இருந்த சந்தேகமும்தான். ஒரு மாதத்தின் முன்பு ஆண்டு நிறைவுக் கூட்டத்துக்கு சென்ற போது வழக்கம் போல வீர முழக்கம் கேட்டது ஏற்கனவே கேட்டவைதானே என்று நான் அசட்டையாக இருந்தாலும் அன்று கேட்ட ஒரு விடயம் என்னை முழுக்க முழுக்க ஆச்சரியக் கடலில் தள்ளியது. இங்கிலாந்தின் முதாலவது அங்கீகரிக்கப்பட்ட போர் விமானத்தின் பெயர் யாழ்ப்பாணமாம் (Jaffna)!

நேற்று சும்மா நம் சுவின்பெர்ன் நூலகத்தில் மேய்ந்தபொழுது ஒரு புத்தகம் தட்டுப்பட எடுத்து வாசித்தால் அது 100 க்கு 100 வீதம் உண்மை. கதை இப்படி போகிறது பாருங்கள்.

முன்னைய கால விமானங்கள் 100 குதிரை வலு என்ஜின்களுடன் (தற்போது 985,000 குதிரைவலு) இயங்கி வந்தன. மரம், துணி, வயர்களால் உருவாக்கப்பட்ட இவை உலகப் போரின் முன் யுத்தத்திற்காய் பாவிக்கப்படவில்லை. முதலாம் உலகப்போரின் போது எதிரிகளை வேவு பார்க்கவும், குண்டுவீசவும் சிறந்த பொறியாக விமானம் கருதப்பட்டது. எனினும் அவற்றின் வடிவமைப்பின் காரணமாக அவை எளிதில் தாக்குதலுக்கு உள்ளாகின. விமானத்தை உருவாக்கும் திறன் ஒருபுறம் இருக்க அதை உருவாக்க தேவையான பணம் இன்றித் திணறியது இங்கிலாந்து அரசு. உடனே தன் காலனித்துவ நாடுகளுக்கு இந்த செய்தியை அனுப்பி வைத்தது. வரிகள் மூலமாக இந்த பணத்தை திரட்ட முடியாது என்று அறிந்த மலேசியாவை நிர்வகித்த டாக்டர். அல்மா பேக்கர் என்பவர் “போர்விமானதுக்கு உதவி செய்” (fund-a-fighter-plane) என்ற பிரசாரத்தை ஆரம்பித்தார். இந்த பிரசாரம் அதிக பணம் தருபவர்கள் ஆசைப்படும் பெயர் அந்த விமானத்துக்கு வைக்கப்படும் என்றும் உறுதி கூறியது. யாழ் மல்லாகத்தை பூர்வீகமாகக் கொண்ட திரு. சுப்ரமணியம் அவர்கள் இந்த பிரசாரத்தால் ஈர்க்கப்பட்டு யாழில் இருந்து அன்றே மலேசியாவில் குடியேறிய தமிழர்களிடம் பணம் சேர்த்து F.E.2b ரக விமானம் ஒன்றை பரிசாக அளித்தார். அன்றா நாளில் இதற்காக கிட்டத்தட்ட 2250 ஸ்டெர்லிங் பவுண்ட் சேர்க்கப்பட்டது.

இந்த விமானம் இரட்டை சிறகுடைய (biplane ரகம்) இரண்டு பயணிகளை கொண்டு செல்லக்கூடிய, குண்டு போடவும், அதே நேரம் துப்பாக்கிச் சமரிலும் ஈடுபடக்கூடிய விமானமாக காணப்பட்டது. ஈழத் தமிழர்களால் நிதி உதவி அளிக்கப்பட்டதாலும், வரலாற்றில் நம் பெயர் நிலைக்கும் என்ற நம்பிக்கையிலும் இவ் விமானத்திற்கு Jaffana என்று நம்மவர்கள் பெயர் சூட்டினார்கள். பிரித்தானியாவின் அரச விமான தொழிற்சாலையில் தயாரிக்கப்பட்ட Jaffna ஜெர்மனியர்களின் குண்டு மழைக்குள் தீரமாக நுழைந்து பேரழிவுகளை ஏற்படுத்தி முதலாம் உலகச் சமர் முடிவில் அருங்காட்சியத்தில் ஓய்ந்தது. கடல் கடந்த எங்கோ ஓர் தேசத்தின் நூற்றாண்டு கடந்து கற்பழிக்கப்பட இருக்கும் ஒரு ஊரின் பெயரில் உள்ள விமானம் தங்களை இந்தளவு ஆட்டிப்படைக்கும் என்று ஜெர்மனியர்கள் கனவிலும் நிலைக்கவில்லை.

கடந்த சில தசாப்தங்களில் மட்டுமல்ல நூற்றாண்டு கடந்தே போரில் ஆர்வமுள்ளவர்களாக ஈழத் தமிழர்கள் வாழ்ந்தார்கள் என்பதற்கு இதுவே நல்ல சான்று. உடல் வலிமை தேவைப்பட்ட போது உடலாலும், அறிவின் பலம் தேவைப்பட்டபோது அறிவாலும், நிதித் தேவைகளில் நிதி வழங்கியும் அவர்கள் மறவர்களாகவே வாழ்ந்தார்கள் போலும்.

 இன்று நாங்கள் இங்கிலீசு பேச ஆசைப்பட்டு இங்கிலாந்தில் கழிப்பறை கழுவினாலும் இங்கிலாந்து அர மானத்தை அன்று காத்தவர்கள் நாங்கள்தான். கதை மறைக்கப்பட்டுவிட்டது, இன்றைக்கு உங்களை நாட்டை விட்டுப் போகச்சொன்னால் இந்தக் கதையை சொல்லிவிட்டு வாருங்கள். இது கட்டளை அல்ல எச்சரிக்கை!

இதை வாசிதுவிட்டும் PR கல்யாணம் கட்ட, pizza போட, சாமான் நிறுக்கப் போறவங்களுக்கு ஒரு கேள்வி. ஏன்டா இன்னும் உயிரோட இருக்கீங்க?

அட இன்னும் இருவரா என்று ஜொள்ளு விடும் அன்பர்களுக்கு ஒரு சின்னத் தகவல், நான் முதலிரவு என்று சொன்னது நான் முதல் முதலாக night shift செய்துவிட்டு வீடு வந்த இரவை. என்னவள் என்பவள் யார்? – Melbourne Nighttime train. இப்போது இதை வாசிக்கத் தொடங்கிய பல அன்பர்கள் மூடிவிட்டு வீடு கிளம்புவதை அவதானிக்க முடிகிறது, மேற்கொண்டு நிக்கும் அன்பர்களுக்கு என் கதையை சொல்கிறேன்.

நான் வேலை செய்யும் இடத்திலிருந்து வீடு வர இரண்டு train எடுக்க வேண்டும். அதெல்லாம் இங்கு சாதாரணம். சூழல் பற்றி முக்காடு போட்டு அழும் முதல்வர்கள் எல்லாம் கோட் போட்டுகொண்டு உச்சி வெயிலில் கோச்சியில் போவார்கள். கவனிக்க இவர்கள் அம்மா அப்பா செத்தா எல்லாம் அழமாட்டாங்க. முதலாவது டூரோங்கா நிலையத்தில் இருந்து பெர்ன்லி வந்த பிறகுதான் இந்தக் காத்திருப்பு. பொதுவாக இரவில் நம்ம ரயில்கள் எல்லாம் இலங்கை 155 பஸ் போலதான் ஓடும். அன்றைய இரவை இலியானா இரவு என்று சொன்னால் மிகையாகாது, அவ்வளவு ஜில்லென்று இருந்தது.

வந்திருந்த அன்பரில் ஒருவர் வெள்ளையர், மற்றவர் கொஞ்சம் பழகிய முகம். பொதுவாக ஆஸ்திரேலியர்கள் அமைதியை விரும்பமாட்டார்கள். ஆக வழக்கம்போல வெள்ளை அன்பரே பேச்சை தொடக்கினார். முதலில் நாங்கள் எந்த நாடு என்றுதான் கேட்டார். அட என்ன ஆச்சரியம் மற்றவர் நம்மாள், இலங்கையராம். முதலில் வெள்ளையர் சுவாரசியமாக பேசினார், போகப் போக எலெக்ட்ரிக் வாளில் மாட்டுப்பட்ட மாடு போல நான் ஈனசுவரத்தில் மனதில் முனகினேன். அவ்வளவு ரம்பம்.

வெள்ளை ஆசாமி திடீரென்று தனது பேச்சை நியூட்டன், இரசாயனவியல், பௌதீகம் என்று பேச்சை மாற்றினார். எனக்கு ஒபாமாவை பார்த்த ஒசாமா மாதிரி நடுக்கம் எடுக்கத் தொடங்கியது. ஏற்கனவே சம்பந்தன், தில்லைநாதன் என்று பலருக்கு கெட்டவார்த்தையால் மனதுக்குள் அபிஷேகம் செய்த நினைவும் வந்தது. ஆசாமி எப்படியும் பேச்சை நிறுத்தமாட்டார் என்று தெரிய கொஞ்சம் நமக்கும் தெரிஞ்ச fieldக்கு கதையை மாத்துவம் என்டு கிரிக்கெட்டை பற்றி பேச்செடுத்தேன். உடனே அவர் அழகான ஆங்கிலத்தில் “sorry, basically I am from Germany, I dont know much about cricket” என்று ஒரு குண்டை தூக்கிப்போட்டார். பிறகென்ன ம*** “I am Australian” என்டு முதல்ல சொன்னானோ தெரியா.

திடீரென்று அந்த இலங்கை நண்பரும் கழண்டுகொண்டார், நான் விதியை நொந்தவாறு கதைகளை கேட்டுகொண்டிருந்தேன். ஏற்கெனவே SLIIT lectures நேரம் கண்ணை திறந்து கொண்டு தூங்குவதுக்கு பெரும் பயிற்சிகள் எடுத்திருப்பதால் இந்த ஆசாமியை அந்த டெக்னிக்கில் சமாளிக்க முடிந்தது. ஒரு வழியாக என் train வந்தது, ஏழரைச் சனி முடிந்தாலும் இந்த சனி என்னை விடுவதாக இல்லை. trainஇலும் தொத்திக்கொண்டது. இன்னும் ரெண்டு station தானே என்று அசட்டையாக இருக்க மேலும் ஒரு atom bombஇணை இந்தப் புள்ள பூச்சி மேல போட்டது அந்தப் பெருச்சாளி. நான் சொல்வது உங்களுக்கு விளங்கவில்லை இதை நான் உங்கள் வீடுவரை வந்து விளங்கப்படுத்த விரும்புகிறேன் என்றார். இவன் நல்லவனா, கெட்டவனா? சைக்கோவா இல்லை வைகோவா? கொள்ளைமாட்டும் அடிப்பானா இல்லை கொலையும் செய்வானா? என்றும் ஆயிரம் கேள்வி. உயர்தர பரீட்சைக்கு பின் நான் ஆதிகம் பதில் தெரியாமல் முழித்தது இந்தக் கேள்விகளுக்குத்தான். ஏற்கனவே இவரின் குட்டி editionபோல திவாகர் வீட்டில் இருப்பதால், எதற்கு வம்பென்று வாழ்கையில் சொல்லாத பொய் எல்லாம் சொல்லி ஒருவழியாக Glenferrie stationஇல் வந்து குதித்தேன். நாத்திகம் பேசிவந்த பிருந்தாபன் இவரிடம் இருந்து தப்பிக்க ஆறேழு கோவில்களில் நேர்த்திக் கடன் வைத்தார் என்ற செய்தியுடன் இந்தக் கதை முடிகிறது. இன்பமே சூழ்க எல்லோரும் வாழ்க.

நாடு வேறுபட்டதால சில கோழி features வேறுபடுகிறது என்று நினைக்கிறன், please refer the following table.

அட்டவணையில் கடைசி rowக்களும் கோழிகளை பற்றி மாத்திரமே கூறுகிறது என்பது என் தாழ்மையான கருத்து. என் கருத்துக்கள் எப்போதும் சரியானவையாக இருக்கவேண்டிய அவசியமில்லை.

மெல்ல மெல்ல உள் நாட்டுப் போர் வலுவடைய அதையே காரணம் காட்டி பலர் வெளிநாடுகளுக்கு அகதிகளாக தஞ்சம் புகுந்தனர். 1940 – 1970ம் ஆண்டு காலப் பகுதியில் யாழிலும் அதனை அண்டிய பிரதேசங்களிலும் பிறந்தவர்களே அதிகமாக இந்தப் பிரிவில் உள்ளடங்குகிறார்கள். வெளிநாடுகள் தந்த வருவாய், படிக்காதவர்களுக்கும் அதிகமாக பொருளீட்டும் வாய்ப்பு, வாழ்க்கைத் தர உயர்வு என்பன யாழில் வெளிநாட்டு மாப்பிள்ளைகளுக்கு அதிக கிராக்கியை ஏற்படுத்தின. தஞ்சம் கோரி பாதி செல்ல ஏனையவர்கள் அவர்களின் பந்தம் கோரி வெளிநாடு பறந்தனர். யாழிட்கான இறுதிக்ககட்ட போரின் போது ஒரு பகுதி கொழும்பை வந்தடைய எஞ்சிய பகுதி இடம்பெயர்ந்தது. இடம்பெயர்தவர்களில் அநேகமானவர்கள் யாழ்ப்பாணத்திற்கோ அல்லது கொழும்பிற்கோ மீண்டும் சென்றனர் அதிலும் தவறியவர்கள் வன்னியிலே தங்கினார்கள்.  ஈழத் தமிழ் வலுவிழக்கத் தொடங்கிய நேரமும் இதுதான்.

வெளிநாடு சென்றவர்களுக்கு மீண்டும் இலங்கை வரும் நோக்கம் இல்லாமல் இருந்திருந்தாலும், உள்நாட்டுப் போரால் ஏற்பட்ட இழப்புக்கள் அவர்களுக்கு நாடு திரும்பும் எண்ணத்தை கைவிடுவதற்குப் போதிய அளவு காரணங்களை கொடுத்திருந்தன. இதேவேளை இலங்கை நிர்வாகத்தில் இருக்கும் குளறுபடிகளை தமக்கு சாதகமாக மாற்றிய ஏனைய மாவட்டங்களை சேர்ந்த தமிழர்களும் விடியலைத்தேடி வெளி நாடுகளுக்கு வந்து சேர்ந்தார்கள்.

வளமான சந்ததிகளை தம் வழித்தடங்களாக விட்டுச் செல்லும் வழக்கமுள்ள தமிழர்களின் குழந்தைகள் வெளிநாடுகளில் உயிர் பெறத் தொடங்கினார்கள், அல்லது சில நாடுகளின் சட்டங்களின் நிமிர்த்தம் பெற்றோர்களின் நிரந்தர வதிவுரிமையை உறுதிப்படுத்த உயிர்கொடுக்கப்பட்டார்கள். வாழும் சூழல் மற்றும் கற்கும் மொழி காரணமாக பிறந்த குழந்தைகள் தமிழை விட ஏனைய மொழிகளை சரளமாக பேசத்தொடங்கினார்கள். தம் முகவரியை மறக்காத தன்மை மற்றும் தமிழ் மேல் பற்று கொண்டிருந்த பெற்றோர்களின் காரணமாக மணித்தியாலத்துக்கு $15 வசூலித்து தமிழ் கற்பிக்கும் மையங்கள் புலம்பெயர் தமிழர்களை இலக்கு வைத்து பல்வேறு நாடுகளில் தொடங்கப்பட்டன. அதில் கற்கும் 95% குழந்தைகள் தாய் தந்தையரின் வற்புறுத்தல் காரணமாகவே கல்வி பயில்கின்றனர். நான் ஏன் இதை சொல்கிறேன் என்றால் அங்கே தமிழ் பயிலும் எந்தக் குழந்தையும் இன்னொரு தமிழ்க் குழந்தையுடன் தமிழில் பேசுவதை நான் காணவில்லை. சீனாக்கரனுக்கோ இந்தியனுக்கோ இந்தப் பதிவு பொருந்தாது, காரணம் வெளிநாடுகளில் பிறந்து மண்டரின் மற்றும் இந்தி ஆகிய மொழிகளில் சரளமாக கதைக்கும் எத்தனையோ குழந்தைகளை நான் பார்த்திருக்கிறேன். தமிழ் கற்பிக்கும் மையங்களும் எதிர் பார்த்த அளவிற்கு இலாபம் ஈட்டவில்லை ஏனெனில் எல்லா பெற்றோர்களுக்கும் தமிழ் கற்பிக்கவேண்டும் என்ற எண்ணமும் இல்லை.

என்னுடைய கேள்வி எல்லாம் இன்று வற்புறுத்தலுக்காகவாவது தமிழ் கற்கும் குழந்தைகளில் ஏதாவது ஒன்றேனும் நாளை தங்கள் குழந்தைகளுக்கு தமிழ் கற்பிக்க தயாராக உள்ளதா? என்பதுதான். எழுதப்பட்ட எந்தவொரு புலம்பெயர் இலக்கியமும் இளைய சமுதாயத்தால் எழுதப்படவில்லை. எழுதுபவர்கள் அனைவரும் அங்கிருந்து வந்தவர்களே. தமிழில் கதைபவர்களும் மிகக் குறைவு, ஓட்டை ஆங்கிலம் பேசுவதில் அலாதிப்பிரியம் உள்ள நம்மவர்கள் ஒழுங்காக தமிழ் பேச வெக்கப்படுகிறார்கள். அரசியலில் நின்று எதோ ஒரு தொகுதியில் வெல்ல நம்மவர்களுக்கு தமிழ் உதவி செய்திருக்கிறது அவ்வளவுதான். இலங்கையில் இல்லாமல் வெளிநாடுகளுக்கு வந்துவிட்டு பின் இங்கிருந்து இலங்கைக்காக குரல் கொடுக்கும் எந்தத் தமிழனும் இலங்கையில் போய் குரல் கொடுக்க தயாராக இல்லை என்பதே உண்மை. ஆக இங்கு தமிழ் சமூகம் தலை நிமிர்ந்து நின்றாலும்,  தமிழின் நிலைதிருக்கைக்கு இவர்களை நம்புவதில் பலனேதும் இல்லை.

எஞ்சுவோர் கொழும்பிலும் யாழிலும் மிஞ்சியிருப்போரே. ஏனென்றால் இலங்கையில் தான் பாடசாலை மட்டத்தில் தமிழ் தினப் போட்டிகள் மற்றும் ஏனைய தமிழ் வளர்க்கும் போட்டிகள் நடைபெறுகின்றன. அங்கேதான் தமிழில் பேசும் தமிழர்களும் இருக்கிறார்கள். தமிழில் கொஞ்ச கூட்டங்களாவது நடக்கிறது. தமிழ் மொழிமூலமான கற்கை இருக்கிறது. பாடிப்பறை நல்ல முயற்சி அது தொடர்ந்து செல்ல வேண்டும் என்பதே என் விருப்பம்.  விரும்பியோ விரும்பாமலோ சாதாரண தரம் வரை தமிழ் மொழி பாடமாக உள்ளது. மீண்டும் இங்கும் தலை தூக்கும் பிரச்சனை இளைய சமுதாயத்தின் நிலைதிருக்கைதான். ஆண்டு தோறும் வெளிநாடு செல்லும் தமிழர்களின் எண்ணிக்கை அதிகரித்தவமே உள்ளது. என்னுடைய கணிப்பின் படி இலங்கையின் வாழ்க்கைத்தரம் இன்னும் ஐந்து வருடங்களில் உயராவிட்டால் யாழில் இளைஞர்களின் எண்ணிக்கை இன்று இருக்கும் அளவில் 40% குறைய வாய்ப்பிருக்கிறது. அப்படியே உயர்ந்தாலும் நம்மவர்களை விட்டு வெளிநாட்டு மோகம் குறையுமா என்பதில் ஐயம் உள்ளது. இலங்கையில் முகாமையாளரும் இங்கிலாந்தில் கோப்பை கழுவுபவரும் ஒரே சம்பளம் எடுத்தாலும் அந்தஸ்தில் இருவரும் வேறுபடுவார்கள் என்று என்னும் அளவுக்கு நம்மவர்கள் முன்னேறவில்லை. மகன் எங்கே இருக்கிறார் என்று கேட்டால் அவர் அவுஸ்திரேலியாவில் இருக்கிறார் என்று சொல்வதற்கு பல பெற்றோர்கள் விரும்புகிறார்கள். முடிவாக நாங்கள் முடிவெடுக்காவிடில் இன்னும் 25 வருடங்களின் பின் இலங்கைதமிழ் தீண்டுவாரற்றுப் போய்விடும்.

பதிவின் நோக்கத்தை நான் பூர்த்தி செய்துள்ளேன், இருந்தாலும் இலங்கைத் தமிழை நாங்கள் எவ்வாறு தக்க வைக்கப் போகிறோம் என்பதை ஆன்றோர்கள், அறிவாளிகள் குறிப்பாக இலங்கைத் தமிழர்கள்தான் முடிவு செய்யவேண்டும்

1. நீடித்த நிலைதலை உறுதி செய்ய தொழில்நுட்ப ரீதியாக திறமைசாலிகள் தேவைப்பட்டார்கள், அவர்களின் உருவாக்கம் சாத்தியமானதாக இல்லை.
2. விரைவான  தரவேற்றதுக்கு போதுமான தொழில்நுட்பம் காணப்படவில்லை. HTMLஇல் தங்கியிருந்தோம்.

ஆனாலும் முன்னைய இணையத்தை உருவாகியவர்களே இன்று இருக்கும் இணையத்துக்கும் காரணகர்த்தாக்கள் என்பதை நான் 100% ஏற்றுக்கொள்கிறேன். hinduprefects.lk வென்று தந்த விருதுகள் எமக்குள் ஒரு உத்வேகத்தை ஏற்படுத்தியிருந்த நேரம் 2010ம் ஆண்டு என்று நினைக்கிறேன்! இந்துக் கல்லூரிக்கு சகலவிதத்திலும் நவீன மயமான ஒரு இணையத்தளம் தேவை என்ற முடிவுக்கு நங்கள் வந்திருந்தோம். தேவைகளை வரையறுக்காமல் (requirement analysis) எந்த projectம் வெற்றி பெற்றதாக இல்லை. விரைவான தரவேற்றம், தகவல் முகாமைத்துவ அமைப்பு, எதிர்காலத்துக்கு வளைந்து கொடுக்ககூடிய தன்மை என்பவற்றை கருத்திற்கொண்டு ஒரு prototype அமைக்கவே நிறைய காலம் பிடித்தது. மூன்றாம் தரப்பின் தொழிநுட்பக் கொள்வனவு தவிர்க்க முடியாத ஒன்றாக மாறியது. இன்றும் என்னிடம் பலர் இந்த தளத்தின் தனித்துவம் குறித்து குறைபட்டுக்கொள்வார்கள்.

தகவல்களை திரட்டுவது என்பதும் குதிரைக் கொம்பாகவே இருந்தது. தெரிந்தவர்கள் உயிருடன் இல்லை; இருப்பவர்களும் இலங்கையில் இல்லை, இலங்கையில் இருப்பவர்களுக்கு ஒதுக்க நேரம் இல்லை என்று ஏகப்பட்ட சிக்கல்கள்.  இந்தத் தருணத்தில் ஓய்வு பெற்ற அதிபர் கலாநிதி. த. முத்துக்குமரசமியைப் பற்றிக் குறிப்பிட்டே ஆகவேண்டும் இரவு பகல் பாராது பழைய கல்லூரி இதழ்கள் புகைப்படங்கள் என்பவற்றை தாராளமாக வழங்கினார். எவருக்குமே தரப்படாத கல்லூரியின் 25ம் ஆண்டு மலர் சில காலம் என் வீட்டில் என்னோடு குடியிருந்தது. தகவல் திரட்டலில் கல்லூரியின் தூண் ஆசிரியை வேலுப்பிள்ளை, ஓய்வு பெற்ற உப அதிபர் ராஜரட்ணம், ஆசிரியை கெளரி சிதானந்தன், ஆசிரியை மாணிக்கராஜா ஆகியோரின் பெரும் பங்கும் இருந்தது. இருக்கும் கரங்கள் எல்லாம் இழக்கத் தயாரில்லை; இழக்கத் தயாரான கரங்களிலோ இருப்பில்லை. இருப்பினும் வைத்தியர். சுகந்தன் அவர்கள் 100, 000 மேற்பட்ட தொகையை அன்பளிப்பாக வழங்கியதால்தான் இந்த தளம் இன்றுஇணையத்தில் உலா வருகிறது என்பேன். இவரால்தான் பெயரும் (domain name) ஒரு தசாப்தமாக நிச்சயிக்கப்பட்டது, எம்மால் போதிய தொழில்நுட்பங்களையும் கொள்வனவு செய்ய முடிந்தது.

அவ்வப்போது தொழில்நுட்பம் குளறுபடி செய்தது; நிவர்த்தி செய்ய நேரம் பிடித்தது. கல்லூரியின் வரலாறுகளில் சில பாகங்களை காணவில்லை, தேடி எடுத்தோம், கல்லூரிக் கீதம் பிறந்த கதை வந்தது, 1500 புகைப்படங்கள் வந்தன, இலட்சினையின் அர்த்தம் தெரியவந்தது, கல்லூரியின் நிறங்கள் கணனியில் வரையறுக்கப்பட்டது; ஈற்றிலே இந்து வெறும் கல்லூரி மட்டுமல்ல என்றும் புரிந்தது. கல்லூரி வரலாற்றின் ஆக்கத்தில்  திரு. கந்தசாமி குமரன் (அரசறிவியல் துறை, கொழும்பு பல்கலைக்கழகம்)  மற்றும் திரு. கந்தையா நீலகண்டன் ஆகியோரின் பங்களிப்பு பாராட்டத்தக்கது. ஏற்றப்பட்ட பதிவுகள்  97% என்பேன் எஞ்சியவை தெரிந்தவர்கள் சொல்லுங்கள் ஏற்றி வைப்போம், காலா காலத்துக்கு அழியாமல் இருக்கட்டும். புகைப்பட உதவிகளை எமக்கு வழங்கிய நண்பர் சத்திய நடராஜா (இந்துவின் பசுமைகளை அழகாக படம்பிடித்த ஒரே நபர்), பாலமுரளி (வளர்ந்துவரும் உன்னத கலைஞன், இவனை இந்துவின் தேவைகளுக்கு உத்தியோகபூர்வமாக பணம் செலுத்தி, பயன்படுத்த வேண்டிய காலம் சரி ), கபில் பிரதீபன் ஆகியோர் பாராட்டப்படவேண்டியவர்கள். அது மட்டுமல்லாமல் பழைய புகைப்படங்களை புதிய நிலைக்கு மீட்டுத்தந்த புஷ்பராஜ் மற்றும் கருத்தியல் புகைப்படங்களை உருவாக்கி உதவிய துஷ்யந்தன் அவர்களையும் இக் குழுவில் இணைக்கலாம்.

பரிசளிப்பு விழாவிலே வெளியிடப்பட வேண்டும் என்ற ஒரே காரணத்தால் வெளியீட்டிற்கு முன்தினம் நான் திவாகர் வீட்டில் இரவிரவாக தங்க வேண்டியதாயிற்று. (காரணம் ஏற்கனவே hinduprefects.lk வெளியீட்டிற்கு முன்தினம் நண்பர் என்வீட்டில் இரவிரவாக குடியிருந்தார்) இலங்கையிலே முதல் முதலாக தேசிய விருது பெற்ற கல்லூரி இணையத்தளம் இருப்பதும் இந்துவிலேதான், இரட்டை மொழி இணையம் இருப்பதும் இந்துவிலேதான். இவ்வருடம் இடம்பெற்ற பரிசளிப்பு விழாவில் இந்த இணையத்தளம் வெளியிடப்பட்டு பாராட்டுப்பெற்றது. இத்துடன் இக்கதை முடிந்தது என்று சொல்ல எனக்கு விருப்பம் இல்லை, இந்துவின் மைந்தர்கள் இதை தொடர்ந்து செல்வார்கள் என்று சொல்லவே விருப்பம். பார்ப்போம்!

இந்த இணையத்தளம் update செய்யப்படாவிட்டால் கேள்வி கேட்கும் உரிமை எல்லா இந்துவின் மைந்தருக்கும் உண்டு. உண்மையான இந்துவின் மைந்தர்கள் எண்டால கேள்வி கேளுங்கள். ஏனென்றால் நிறைய நபர்களின் உழைப்பு இந்த தளத்துக்கு பின்னல் இருக்கிறது. நாளை உங்களை நீங்களே இத் தளத்தில் தேடக்கூடும்.

புகழ் பெற்ற கூகிள் தேடல் பொறி தமது apps சேவையை நிபந்தனைகில் இன்றி செயற்ப்படுத்துவதாக இன்று அறிவித்தது, கதை தொடர்கிறது, தொடரும், உண்மையான இந்துவின் மைந்தன் உள்ளவரை தொடரும்.

இந்தப் பதிவு சுயநலக் காதல்களையும், ‘நிச்சயிக்கப்பட்ட’ காதல்களையும் (அந்தஸ்து, ஜாதி, மதம் பார்த்து ‘மேற்கொள்ளப்படும்’ காதல்கள்) தவிர்த்துவிடுகிறது. எல்லாக் காதல்களும் ஜெயிக்காமல் போவதற்கு ஒரே காரணம் காதல் வரையறுக்கப்படாதது மட்டுமல்ல காதல் சூழ்நிலைக் கைதியும் கூட. கைமாறும் தாம்பூலத் தட்டுக்கள் எத்தனை இதயங்களின் கல்லறைக்கான அத்திவாரங்கள்? பெற்றோர்களின் தற்கொலை நாடகங்களில் எத்தனை காதல்கள் பாத்திரம் இழந்து போயின? எதோ உந்துதல் என்னை பதியத் தூண்டிவிட்டது அனால் சொல்லெனாத் துயரங்கள் எதை சொல்வது எதை விடுவது என்று சிந்திக்க வைக்கிறது.

இப்படி வரவேண்டும் காதல் அப்படித்தான் வரவேண்டும் காதல் என்று அறிவு ஜீவிகள் சொல்வார்கள் காதலுக்கு கண்ணே இல்லை இதில் மூளை எங்கனம்? சட்டென்று வருவாள், உடல் எடை குறைவது போல ஒரு சொர்ப்பணம், இதயம் லேசாகி உடலை விட்டு நீங்குவது போல ஒரு பிரமை, இவளின்றி எவ்வண்ணம் அமையப் போகிறது என் உலகு என்ற பயம், மூளையின் அதிகாரம் இன்றி இயங்கும் உடல் உறுப்புகள், அளவுக்கு அதிகமான சிரிப்பு, தேவையற்ற கோபம், தனிமையில் இனிமை, இளையரஜாவில் நாட்டம், அதிகரித்த கவித்துவம், ஆரவாரமான தத்துவங்கள், உனக்குள் உதிக்கும் புதுமைப் பித்தன், வழமைகளில் உள்ள பழமைகள் மேல் வெறுப்பு இவை காதல் வரும் போது தோன்றும் சில அறிகுறிகள். இது இல்லாமல் காதல் வந்த பலரும் இருக்கலாம் இவற்றுடன் சேர்த்து இன்னும் பல அறிகுறிகளுடனும் காதல் வரலாம்; நான் முன்னரே சொன்னது போல; காதல் வரையறை அற்றது.

காதலுக்கு இதயம் சின்னமென்பது சரிதான். விஞ்ஞானமே சொல்கிறது ஒருவர் 80 வயது வாழ்ந்தால் அவரின் இதயம் 40 வருடங்கள் ஓய்வெடுத்திருக்கிறது. இருப்பது போலும் இல்லாது போலும் இருப்பதில் காதலுக்கு நிகர் எவருமில்லை. இதயம் சரிதானே? எதோ ஒரு தருணத்தில் யாரோ யாராலோ காதலிக்கப்பட்டிருக்கிறார்கள், ஏற்கப்படாத இதயம் என்று இங்கு எதுவுமே இல்லை, ஆனால் ஏற்கப்பட்டும் பொருத்தமில்லாத சந்தர்ப்பங்கள் ஏராளம் இருந்திருக்கலாம்.

எனது பார்வையில் காதல் பின்வருவனவற்றை வெறுக்கிறது (இது ஆண்பால் சார்ந்ததெனினும்) நேசித்த நெஞ்சம் நேசிக்க மறுத்தபோதும் நேசித்தவளின் வீழ்ச்சி, அவள் கணவனின் மரணம், அவள் உறவுகளின் பிரிவு, நம்மால் அவள் மேல் ஏற்படும் தேவையற்ற அழுத்தம், அவள் சந்திக்கும் விபத்துக்கள், அவளின் கண்ணீர், அவளின் ஏமாற்றங்கள், அவளின், அவளின், அவளின்………….

நீங்கள் காதலித்திருந்தால் உங்கள் அவர்கள் உங்களை ஏற்க மறுத்திருந்தாலும் (இதுவும் ஆண்பால் சார்ந்ததெனினும்) நெஞ்சைத் தொட்டு சொல்லுங்கள் கீழுள்ள எதோ ஒன்றையேனும் நீங்கள் நேசித்திருப்பீர்களே? அவளின் குழந்தை, அவளுக்கு வாய்த்த ஆடம்பர வாழ்க்கை, அன்பான கணவன், அவளின் வெற்றிகள், அவளின், அவளின், அவளின் …………………….

இதை எழுதுவதற்கு எனக்கிருக்கும் அனுபவம், வயது என்பன பற்றி நிறைய கேள்விகள் எழலாம். என்னுள் பருவ மற்றம் ஏற்படத் தொடங்கிய 2001 தொடக்கம் இன்று இரவு 11.07 வரை நிறைய பார்த்துவிட்டேன், சொந்த அனுபவங்கள் இருக்கின்றன; அளவில் குறைவு, நண்பர்களின் உறவுகளின் ஆயிரம் ஆயிரம் கதைகள், நாம் தமிழராய் இருப்பதால் அளவுக்கதிகமாக வேரறுக்கப்பட்ட கதைகள் சில வேரூன்றிய கதைகள்; வேரூன்றியும் நீரற்று மடிந்த கதைகள், விருட்சமாகியும் வெட்டிச் சாய்க்கப்பட்ட கதைகள், யாதார்த்தம் தந்த பிரிவுகள், சொல்லிய காதல்கள், சொல்ல மறந்த காதல்கள் இன்னும் பல இந்த வரையறைக்கு அப்பாற்பட்ட காதல்கள் எல்லாவற்றையும் பார்த்தாகிவிட்டது. சோகம் என்னவெனில் இணைந்த கரங்கள் ஏதும் இமயம் போல் எழுந்த கதைகள் கேட்டிருக்கிறேன்; பார்க்கவில்லை.

காதலின் எதிரிகளை சீர்திருத்தும் நோக்குடனும் இது பதியப்படவில்லை, காதலுக்கு வரைபடம் வரையவும் நான் தயாராக இல்லை. வாழ்கையின் பாதையில் காதலித்துப் பாருங்கள்; தோற்றால்? நிச்சமாய் எனக்குத் தெரியும் அது உங்களின் பிழை மட்டுமல்ல என்று! ஸ்ரீ மாணிக்கவாசகர் திருவாய் மலர்ந்தருளிய சிவபுராண வரிகள் சில காதலுக்கும் பொருந்தும் போலும்,
“கறந்தபால் கன்னலொடு நெய்கலந்தாற் போலச்
சிறந்தடியார் சிந்தனையுள் தேனூறி நின்று”

இப் பதிவில் உள்ள தொடர்ச்சியற்ற தன்மைக்கு மன்னிக்கவும், காதலின் தோற்றமும் மறைவும் யாரால், எவற்றால், எங்கனம் தீர்மானிக்கப்படுகிறது என்று தெரியும் வரை எவரும் காதலை 100% பதிவதட்கில்லை. நான் பதிந்தவை 1% என்று சொன்னால் அதுவே மிக அதிகம் என்பேன்.

“கைதடி தந்த கரிகாலரே

கைத்தடியால் எமை விளாசிய போலீஸ்காரரே

இரு பிள்ளைகள் இணைந்து செய்த சப்த பிள்ளைகளில்

இது மட்டும் கொஞ்சம் சத்தமான பிள்ளை ”

என்று தொடங்கும் பிறகு இதிலுள்ள சில சட்டசிக்கல்கள் மற்றும் adult content காரணமாக நீக்கிவிட்டேன். பிறகு கவிதை இப்படிப் போகும்.

பிட்டத்தில் நீர் பிரம்படி போட்டபோது

மனதில் வந்த கேட்ட வார்த்தைகள் எல்லாம்

உம் பிட்டமும் பிரம்படிபட்டது

ஏன் அறிந்ததும் மறைந்தன ஐயனே!

யாம் பெற்ற இன்பம் பெறுக இவ்வையகம்

என்றெண்ணி மகிழும் typical தமிழ் உள்ளம்

வாழ்க இவ்வகை உள்ளம் வளர்க தமிழ் கூறும்

நல்லுலகம்…

அதிபர் வேலை என்றால் அவ்வளவு லேசா?

பாலமுரளிக்கு காதல் என்று கதை வரும்

அதுக்கு பிருந்தாபன் துணை என்றும் சேதி வரும்

விசாரிப்போம் என்று நினைத்தால்

கதை மாறி வளர்ந்தவன் காதலிக்கிறானாம் என்று news வரும்

கெட்டது போ என விட்டுவிட்டால்

மனித உரிமை ஆணைக்குழு வந்து நிக்கும்

சயந்தன் படிக்கிறான் இல்லை என்று மாமா வருவார்

துஷ்யந்தன் அடிக்கிறான் என்று class teacher news தருவார்

இவர் அப்படி என்று அவர் வந்து சொல்வார்

அவர் இப்படி என்று இவர் வந்து சொல்வார்

அனுபவம் பேசியாச்சு

இனி இவரின் character பேசுவம்!

சிறுநகை சிரிப்பில் ஷாருக்கான்

தடியடி செய்தால் ஜாக்கிசான்

விறு விறு நடையில் ரஜனிகாந்து

சொலட்டி சொலட்டி அடிச்சா விஜயகாந்து

சரி சிரித்தது போதும்

என்றவாறாக முடிந்து பின் serious edition தொடங்கும்

ஆண் பெண் இருபாலருக்கும்!

1. இங்கே இலவசங்கள் குறைவு அது வேண்டினா இது கிடைக்கும், ஜட்டி வாங்கின கோவனம் கிடைக்கும் எண்டெல்லாம் கற்பனை பண்ணவே கூடாது. சும்மா நிக்கவும் காசு குடுக்கணும், so அனாவசிய கற்பனைகள் வேண்டாம்.
2. செல்லிடப்பேசி கட்டணங்கள் மிகவும் அதிகம். ஒரு SMS அனுப்ப நம்மூர் காசில் 35/- ஆகிறது. இணையம் ஒரு GBக்கு $ 19!! இதை வாசிக்கும் போதே பலருக்கு வயித்தில் சூறாவளி ஏற்படுவதை என்னால் அறிய முடிகிறது.
3. மழை பெஞ்சாலும் குடை மட்டும் புடிக்கவே மாட்டாய்ங்க! இதை என்ன என்டு சொல்றதுன்னே தெரியாது!! கடந்த சனிக்கிழமைக்குப் பிறகு மெல்போர்ன்வாசிகளுக்கு ஒரு மழையில் குடைபிடிக்கும் அதிசய பிறவியை காணக்கிடைத்தது அவரின் பெயர் ஆ! பிருந்தாபனாம்!
4. எல்லாம் timeகு நடக்கும். 10.21 train  என்டா 10.20 trainலயும் ஏறக்கூடாது  10.21 trainலயும் ஏறக்கூடாது. மாறி ஏறினா இறங்கவேண்டிய இடத்துக்கு போய் சேர ஏலாது. நம்ம ‘உடரட்ட மெனிக்கே’ மாதிரி மெல்ல மெல்ல இழுக்கமாட்டான், ஒரே அமுக்குதான்.
5. இலங்கையில் இருக்கும் வரை நமக்கு வெள்ளைக்காரன் என்டா கடவுள் மாதிரி! எதோ செவ்வாய் கிரகவாசிகள் மாதிரி யோசிப்பம், இங்க வந்துபாரு மக்கா, ஊத்த tshirt, தோய்க்காத காற்சட்டை என்டு பலர் நண்பர் நடராசா மாதிரி திரியிறாங்க. பிகாசோ என்டு சொல்லி பிச்சை எடுக்கிறான். இவனும் பிச்சை நம்மாலும் பிச்சை இவன் கொஞ்சம் modernனா file, photo என்டு பிச்சை எடுக்கிறான் நம்மாளு கலாசாரத்தை விட்டுக்கொடுக்காம கையேந்தி கால்ல விழுறான்.
6. இங்க பிச்சைக்காரனும் English கதைப்பான். உடன வாய பொளந்துறாத மக்கா அவன் தாய்மொழியே அதான். உனக்குத்தான் IELTSல 6 எடுக்கிறது பெரிய வேலை அவனுக்கு அதெல்லாம் ஜுஜுபி!
7. பறவைகள் நடமாட்டம் அதிகம், அதுக்க சூப்பு வச்சு குடிக்கமட்டும் நினைக்காத ராசா மாட்டுப்பட்டா ஆப்புதான்.
8. இங்க இருக்கிறவன் எல்லாம் oh very expensive oh very expensive என்டு சொல்லுவாங்க நம்பாத! 55% சாமான்கள் இலங்கையை விட மலிவுதான். வீடு வாடகை, சில சாப்பாடு, மற்றும் வைத்திய செலவை கேட்டாதான் ஓடாத யாழ்தேவி காதுகுள்ளால ஓடும்.
9. ஆளுக்கொரு கார் வச்சிருப்பாங்க யோசிக்காத கண்ணு இங்க ரொம்ப மலிவு!
10. காலைக் கடன் முடித்த பின் கழுவுறதுக்கு சொம்பு தேடுற ரகமா நீயீ? ஆஹா சிக்கினாண்டா சின்னத்தம்பி, இங்க எல்லாரும் toilet paperதான். சரஸ்வதிய கிழிச்சு ………………………… மிச்சத்த நீங்களே கற்பனை பண்ணிக்கவும்.
11. குளிப்பது தோய்ப்பது குறைவு கேட்டால் அனைவருமே “Australia is in drought:” என்று சொல்லுவார்கள். வேர்க்காதுதானே so no probsiiii!

ஆண்களுக்கு

1. சீனக்கரிகளின் நடமாட்டம் அதிகம், எல்லாரும் சும்மா ஜிவ் ஜிவ் ரகம் மனச அலைபாய விடாதே குழந்தாய்! கராட்டி எல்லாம் அடிபாங்கலாம்.
2. ஆஸ்திரேலியா பொண்ணுங்க எல்லாம் gym bodyதான் ஆனா என்ன மூஞ்ச பெரிசு மூக்கு சின்னன். பல்லு அழகுதான் but முரசின் செங்குத்து அச்சிலிருந்து ஒரு 15  பாகை முன்னாடி நிக்கும். மேற்கொண்டு நீங்க decide பண்ணிக்கலாம்.
3. ஜிலேபி விடுத்திக்கெல்லாம் போகலாம் என்டு கற்பனை கூட பண்ணக்கூடாது, இங்க raid எல்லாம் கிடயாதுதானே? So, நம்மூர் காசுக்கு மணித்தியாலத்துக்கு 25, 000/- போல ஆகும், தேவையா உனக்கு?

பெண்களுக்கு

1. manicure, pedicure, bonding, bombing எல்லாம் இலங்கையிலே செஞ்சிருங்க அம்மா இங்க rate எல்லாம் அம்மம்மா!!!!
2. ஆஸ்திரேலியா பெண்கள் எல்லாம் slim & sexy  என்ற எண்ணத்துக்கு fullstop வையுங்கள், அட வெள்ளை யானை வருதே என்டு விலகி வழிய விட்டுட்டு பார்த்தா பொண்ணாம், என்ன கொடும சரவணா????

விடுபட்ட ஏதும் இருந்தா பிறகு சொல்றன், தொடர்ந்து வருக ஆதரவு தருக. Comment அடிக்க விரும்பும் நண்பர்கள் இந்த பக்கத்திலேயே அதை செய்யவும் FBஇல் அடிப்பதால் எனக்கு எந்த நன்மையையும் இல்லை.

இனித் தோன்றாது இவர் போல் நல் மனம்

தோன்றுமெனின் தோன்றுவதெங்கனம்

எப்பொருள் கேட்பினும் மெய்பொருள் அறிந்து

அப்பொழுது அங்கே தீர்ப்பையும் வரைந்து

கட்டிய கோட்டை கலைந்து விடாமல் காத்த

இவன் போல் இனி வரும் நாயகன் யாரோ?

நேர் கொண்ட அரியதன் நடையழகும்

சீர்கொண்ட நிலையில் பகுத்தறிவும்

எட்டமுடியாத பட்டறிவும்

எட்டி பிடித்த இவர் ஆம்ஸ்ட்ராங்கா?

குறைகள் சொல்லும் குறவர் கூட்டமும்

தலைகால் அறியா இளைஞர் ஆட்டமும்

வலைஞர் போலவே வலைவீசி மெல்ல

வளைத்துப் போடும் நல்ல உபதேசி

அரசியல் செய்யும் சாணக்கியனாம், அதிரடி மன்னன் கரிகாலனுமாம்

நீதி வழுவாத சோழனுமாம், பேதம் அறியாத பெரியாராம்

மிக்க அறிவுள்ள சாலமனாம், மெத்த புகழ் கொண்ட ரோமனுமாம்

அவ்வப்போது ஹிட்லரும் வந்து எட்டிப்பார்க்கும் இளையவனாம்

ஆட்சிக்காலம் ஓரரைத் தசமம்

ஆண்ட நாட்களோ பொன்னான பருவம்

கொக்குவில் இந்துவில் விட்ட குறை அன்று

கொழும்பு இந்துவை தொட்டது இன்று

அலைகள் மோதிய பாறை இனிமேல்

அமைதியாக அழகூட்டட்டும்

மோதி தோற்ற சில அலைகள் மட்டும்

மீண்டும் மீண்டும் மோதி தோற்கட்டும்

தொடரும் சந்ததி இவரை போலே

இருந்தால் இமயம் கைக்கெட்டும்

எங்கும் எதிலும் இந்துவின் நாமம்

சங்க நாதமாய் முழங்கட்டும்

விவாதம் இப்படி ஒரு நிலைக்கு பயணிப்பதற்கு பின்வருவன காரணங்களாக அமையலாம்.

1. மாணவர்கள் / பெற்றோர்கள் தமிழில் ஆர்வமின்றிக் காணப்படுதல்

ஆங்கில மோகம் இன்று தமிழர்களை ஆட்டிப்படைப்பதை நாங்கள் கண்டு கொண்டிருக்கிறோம். தமிழர்கள் தமிழ் தெரியாமல் வெட்கப்படுவதை விட ஆங்கிலம் தெரியாவிட்டால் வெட்கப்படும் நிலை ஒன்று வந்துவிட்டது. ஆங்கிலம் கற்பது தவறல்ல ஏனெனில் அது உலகப் பொது மொழி. அதற்காக தாய் மொழியை மறந்துவிடுவதா? எத்தனை பேருக்கு குறைந்தது ஒரு கொன்றைவேந்தன் செய்யுளாவது தெரியும்? நாம் தமிழர் என்று சொல்லிக்கொண்டு வெள்ளையர்களாவது எப்படி என்று  யோசித்துக்கொண்டிருக்கிறோம்.

2.       இயந்திர உலகின் நிர்ப்பந்தம்
இன்றைய சமூகம் பௌதீக தேவைகளை பூர்த்தி செய்யக்கூடிய ஒன்றாக மாறி வருகிறதே தவிர மனிதனின் மன ரீதியான அல்லது ஆத்மார்த்தமான செயல்களை செய்யவிடுவதில்லை. களை 7.30 முதல் நண்பகல் 1.30 வரை பாடசாலை  பின்னர் வீடு திரும்புதல். மாலை 3.30  தொடக்கம் 6.30 வரை வகுப்புக்கள். பிறகு இரவில் இதயத்தை சீரழிக்கக்கூடிய தொலைக்காட்சித் தொடர்கள். இறுதியில் தூக்கம். இங்கே இந்த மாணவனுக்கு தர்க்கமோ, நாடகமோ குறைந்தது கவிதை எழுதவோ எங்கே நேரம் வரப்போகிறது? அவன் பொறியியலாளன் ஆகவேண்டும் என்பது அப்பாவின் கனவு, வைத்தியராகவேண்டும் என்பது அம்மாவின் கனவு, கணக்காளன் ஆக வேண்டும் என்பது அண்ணாவின் கனவு இந்தக் கனவுகளின் சங்கமத்தில் அவன் பேச்சாளன் ஆகவேண்டும் என்ற கனவு அடிபட்டுப்போகிறது.

3.       பண நாட்டம்
“ஈட்டி எட்டிய வரை பாயும், பணம் பாதாளம் மட்டும் பாயும்” என்பது பழமொழி. இன்று பலர் தம் மனச்சாட்சியை அடகு வைத்து அதிலே குடித்தனம் நடத்துகிறார்கள். எப்படியெல்லாம் பணம் சம்பாதிக்கமுடியுமோ அப்படியெல்லாம் சம்பாதிக்கிறார்கள். தான் சம்பாதிப்பதற்கு தன் அன்னை இடைஞ்சலாய் இருப்பாளோ என்றெண்ணி அவளையே முதியோர் இல்லத்தில் விடுபவன் தமிழ் அன்னையை மட்டும் தன மடியில் வைத்துக் கொஞ்சுவான் என்பது வெறும் கனவே!

4.       அருகி வரும் இளைஞர்களின் தேடல் திறன்
வாசிப்பதால் மனிதன் பூரணமடைகிறான் என்பார்கள். இன்று இளைஞர்கள் அரை குறையாக திரிவதைப் பார்த்தாலே உங்களுக்கு என்ன நடக்கிறது என்பது விளங்கும். இதே போக்கில் போனால் ஐ.நா சபையின் சிவப்புப் புத்தகத்தில் வாசிப்பும் வந்துவிடும். இதனாலேயே இன்றைய பாடசாலை மட்ட விவாதங்களின் சூடு வெகுவாக தணிந்துவிட்டது எனலாம். இரண்டு வருடங்களுக்குள் என்னால் பாரிய மாற்றமொன்றை அவதானிக்கக்கூடியதாக இருந்தது.

இவை சில காரணங்களே! இன்னும் நான் குறிப்பிட மறந்தது எத்தனையோ இருக்கின்றன. குறைகளை கண்டு கொண்டோம் இனி நாம் செய்ய வேண்டியது என்ன? வெகு விரைவிலே நாங்கள் அகில இலங்கை தமிழ் விவாதமன்றம் ஒன்றை உருவாக்கவேண்டும். இதற்கான சம்மதத்தை பலர் வழங்கியுள்ளார்கள். போட்டிகள் அதிக அளவிலே இதன் மூலமாக நடாத்தப்படவேண்டும்.  விவாதமானது பட்டிமன்றம், சுழலும் சொற்போர், வழக்காடு மன்றம் என்று பல பரிமாணங்களை உடையது இவை அனைத்திலுமே நம்மவர்கள் தேர்ச்சிகொள்ளவேண்டும். இவை விவாதிகளாக நாம் செய்யக்கூடியது.

பெற்றோர்கள் தம் பிள்ளைகளை இவ்வாறான விவாதப் போட்டிகளுக்கு தவறாமல் கலந்துகொள்ள அனுமதிக்க வேண்டும்.சங்கங்கள் பெயரளவில் இன்றி செயலிலும் இறங்கவேண்டும், பாடசாலைகளும் தமிழ் வளர்ப்பதில் ஆர்வம் காட்டவேண்டும். இல்லாவிட்டால் அபாய வளைவுகளில் பயணிக்கும் விவாதம் வெகு விரைவில் குடை சாயக்கூடும்.

இந்துவின் சொல்லாடற் களரியின் விவாத வேள்வி 2011 இல் வெளியிடப்பட்ட அக்கினி நூலுக்காக எழுதியது